शंख बजाउनुका फाइदा र धार्मिक मान्यता
काठमाडौं। विशेषतः हिन्दु धर्मावलम्बीहरुले पूजापाठसहितका धार्मिक समारोहमा शंख बजाउने गर्दछन् । पूजापाठमा शंख अनिर्वाय बजाइन्छ । मन्दिरमा शंखको ध्वनि सुनिन्छ । मृत्यु संस्कारमा पनि शंख प्रयोग गरिन्छ । मन्दिर वा घराको पूजा कोठामा शंख राखिएको हुन्छ । देवी देवताको तस्विरमा पनि शंख देखिन्छ ।
शंख शंखेकिराको खबटाबाट बनाइने एक प्रकारको वाद्ययन्त्र हो । शंख समुद्रमा पाइने जलचरको खबटा हो । प्राचीनकालदेखि नै विभिन्न प्रयोजनमा लगाइने शंख एक प्रकारको समुद्री चिप्लेकिराको कडा खोल हो ।
यसलाई विशेषगरी धार्मिक कार्यमा प्रयोग गरिन्छ । हिन्दु धर्ममा शंखलाई देवी लक्ष्मी र भगवान् विष्णुले आफ्नो हातमा धारण गरेको देखाइएको छ । तर शंख किन बजाउने गरिन्छ त ?
शंखका उपयोगिता ?
धार्मिक कारण
- शंख बजाउँदा वायुमा रहेको विकार हट्ने विश्वास गरिन्छ ।
- शंखको आवाजले सुतेको भूमिलाई जागृत गराउँछ भनिन्छ ।
- शंख घरमा राख्दा वा बजाउँदा शुभ हुने विश्वास छ ।
- यसको ध्वनिले भूतप्रेम, पिशाच भाग्ने विश्वास गरिन्छ ।
- वास्तुशास्त्र अनुसार शंखध्वनिले घरमा सकारात्मक ऊर्जा प्रवाह गर्छ ।
स्वास्थ्य लाभ
- यसको ध्वनिले वातावरणका कतिपय हानिकारक जीवाणु नष्ट हुने गर्दछन् ।
- शंख बजाउँदा फोक्सोको व्यायाम हुनाले दमका रोगीलाई फाइदा पुग्दछ ।
- शंखमा पानी सञ्चित गरेर पिउँदा क्याल्शियम, फस्फोरस प्राप्त हुन्छ ।
- यसले हड्डी र दाँतका लागि राम्रो काम गर्छ ।
- शंखमा भरेको पानी पिउँदा कब्जियत निको हुन्छ ।
- एक रात शंखमा राखेको पानीले आँखा धोएमा फाइदा हुन्छ ।
- शंखमा राखेको पानीले अनुहार मसाज गर्दा चमक ल्याउँछ ।
- शंखमा राखेको पानीमा गुलाबजल मिसाएर कपाल धुँदा बलियो, मुलायम र बाक्लो हुन्छ ।
एजेन्सीको सहयोमा (खबरहब)
