दशरथ रंगशालामा चर्च ब्वाइज र पारो आमनेसामने (तस्बिरहरू)

काठमाडौं। सहिद स्मारक ए डिभिजन लिग विजेता चर्च ब्वाइज युनाइटेड क्लब र भुटानको लिग च्याम्पियन पारो फुटबल क्लबबीचको खेल दशरथ रंगशालामा भइरहेको छ।

चर्च ब्वाइज युनाइटेड अनन्त तामाङको कप्तानीमा मैदानमा उत्रिएको छ। पहिलो हाफमा दुवै टोलीले १-१ गोल गर्न सफल भएका थिए।

सुरुवाती अग्रता भने घरेलु टोली चर्च ब्वाइजले लिएको थियो । चर्च ब्वाइजले अग्रता लिएपछि पारो पनि खेलमा फर्कियो । उसका लागि किङ्गलाले गोल गर्दै खेललाई १-१ बराबरीमा ल्याएका छन् ।

पानी परेकाले दशरथ रंगशाला हिलाम्मे भएको छ । यो रंगशालााई पारोका जापानी स्ट्राइकर कोइसुके होन्डाले अहिलेसम्मकै खराबको संज्ञा दिएका थिए ।

हिलाम्मे मैदानमा खेलाडीहरू बल खोसाखोसका क्रममा पटक पटक पछारिएका छन् । पहिलो हाफमै खेलाडीको जिउभरी हिलैहिलो भएको छ ।

मंगलबार पानी परेर मैदान हिलाम्मे हुँदा खेलाडीहरूले खेल कौशल समेत देखाउन सकेका छैनन् ।

दशरथ रंगशालालाई जापाबाट विश्वकप खेलिसकेका एसिया कप जितेका मिडफिल्डर केइसुके होन्डा अहिलेसम्मकै खराब भनेका थिए।

भुटानको पारो एफसीबाट खेल्न आएका उनले आफ्नो करियरकै खराब मैदान भनेर दशरथ रंगशालाबारे टिप्पणी गरेका थिए ।

तस्बिरहरू : नेपाल फोटो लाइब्रेरी